PANAY ang tingin ni Heirman kay Jenna habang nasa hapagkainan sila at nag-aagahan. Hindi niya maipaliwanag ang nararamdaman niya. He wanted to be with her, but his mind wouldn't let him. May takot sa puso niya—isang takot na baka iwan siyang muli ni Jenna.
Pero hindi naman niya gagawin 'yon, hindi ba?
May mga anak na sila. Sigurado siyang hindi ito gagawa ng bagay na ikalulungkot ng kanilang mga anak. Kahit pa pilit niyang sinasabi sa sarili na wala na siyang pakialam, hindi niya maikakailang mahalaga pa rin sa kanya ang babae.
Maya-maya, isang inosenteng tanong ang gumulantang sa kanya.
"Dad, why do you keep on looking at Mom?"
Bahagyang napaigtad si Heirman nang marinig ang boses ng kanyang anak. Agad niyang iniwas ang tingin kay Jenna, ngunit huli na. Napansin na nitong tinititigan
