"Ate Celyn! Marami kaming benta na isda sa palengke ni ate Sheena," sabi ng kapatid kong si Lara. Siya ang pangatlo sa aming magkakapatid na Astrera. Malaki ang ngisi nito habang binibigay sa akin ang belt bag niyang dala na may naglalamang pera na kita nila sa pagtitinda.
"Ganoon ba. Mabuti naman kung ganoon. Pasensiya na sa inyong dalawa kung hindi ko kayo na samahan magtinda. Kailangan kong asikasuhin ang bahay natin, at ipinagbabawal pa ng doctor na mapagod ako dahil may iniinda akong pananakit ng tiyan at ubo."
"Okay lang po 'yun ate. Magpagaling lang po kayo. Kaya naman namin ni Lara ang magtinda," wika ni Sheena ang pumapangalawa sa akin.
"Kayo talaga. Babawi na lang si Ate kapag um-okay na ang pakiramdam ko... Oo nga pala...Bumili ba kayo ng bigas?" tanong ko habang inaasikaso
