Bulan's POV
(A Special Chapter for Bulan's Point of View)
Buhay na buhay ang buong gabi habang nagsisihuni ang bawat trumpeta ng mga mandirigma sa Timog. Ang ilan sa kanila ay pinili ayon sa magigiting nilang nagawa, ng aking mga tapat na Datu. Pinili sila ng aking liwanag mula sa itaas.
Ang madamong paligid ay handang-handa na para sa isang madugong digmaan laban sa mga halimaw na inimbitahan ng masamang babaylan na si Gumayon. Tinawag niya mula sa kailaliman ng dagat ang malupit na kaaway ng aming angkan, si Bakunawa.
Mula sa langit ay bumaba ako upang magkatawang-tao. Ipinamalas ko ang aking mahaba at maitim at tuwid na buhok habang nagsisilutangan ang ilan sa dulo ng mga hibla ng mga ito. Ang kaliwang bahagi ng aking mukha ay natatabunan ng kumikinang na maskara na tumatabon lamang
