Celine's POV
Napamulat ako ng nga mata at kaagad na lumingon sa aking tabi para tingnan kung nasa tabi ko si Josh. Gano'n na lang kalakas ang kabog sa dibdib ko nang makita kong wala akong katabi.
Nasaan na si Josh?
Tiningnan ko ang alarm clock sa bedside table at nakitang pasado alas nueve pa lang nang gabi.
Nanlaki ang mga mata ko at kaagad na bumangon sa kama. Sinuot ko ang slippers ko at kaagad na sumugod palabas ng kwarto.
Humahangos ako na hinalughog ang buong bahay. Lahat ng makita kong kasambahay doon ay tinatanong ko. Halos mangiyak-ngiyak na akong hinaharap sila. Kinakabahan talaga ako. Paano kung may masamang mangyari sa kanya na hindi ko siya kasama?
"Nasa'n si Sir Josh n'yo? Nasa'n siya?" nag-aalalang tanong ko.
"Ma'am, hindi ko po alam. 'Di ba po magkasama kayo sa kwar
