"Anong ginagawa nila?" Mahinang bulong ko kay Scott.
Nagulat na lang kasi ako nang biglang magsiluhuran 'tong mga Dryad na 'to. Pakiramdam ko tuloy mga poon kami ngayon. Kulang na lang ay may maghagis ng panyo para magpapunas sa amin.
Sabihin nyo nang para-paraan ako pero nakasiksik ang katawan ko sa tagiliran ni Scott ngayon. Sasabog na kasi ata ako sa sobrang pagkailang at awkwardness ng paligid. Sobrang weird putek.
I find it strange pero Scott never fails to comfort me with just a very simple action. Pinapadama nya lang ang presensya nya sa pamamagitan ng pag-akbay o simpleng pagdikit nya sa akin.
"Hindi ko rin alam." Pabulong rin na sagot nya.
Nangunot ang noo ko sa pagkalito sa susunod na sinabi nung umabanteng Dryad.
"Maligayang pagbabalik." Sabi nito at saka tumaas ang tin
