Tumalikod si Lalaine at humakbang para sana layuan si Adrian ngunit agad siya nitong napigilan sa braso.
"Running away, ha?"
Umismid siya at itinago ang gulat sa pagkakadaiti ng palad nito sa kanyang balat. Agad niyang hinila ang braso mula sa pagkakahawak nito.
"Running away from a monster like you..." mariing ika niya. Hindi man niya naitago ang panginginig ng boses, naitago naman niya sa matalim na tingin ang anumang damdamin na gustong umalpas.
She missed him. Ang presensiya ng lalaki ang pinakamalaking kawalan sa buhay niya. Ngunit sa lumang Lalaine iyon. Sa Lalaine na mahina. Ang Lalaine ngayon ay pupunuin niya ng galit para dito. Ang Lalaine ngayon ay hindi na magpapauto pa sa lalaking mahal na mahal man ng puso niya. Pinili namang saktan siya. Hindi na siya yuyuko rito para mak
