Hindi sanay si Lalaine sa nakukuhang atensiyon ngayon. Lalo na at puno ng paghanga ang itsura ng ibang tumitingin sa kanya. Mag-isa siya sa mesa habang pinapanood si Anika sa kumpulan ng mga sumasayaw. Nakisali na ito sa party habang hinihintay naman niya si Adrian na balikan siya. Tumagal na ito at tila hindi na siya naalala.
"Care for a dance, Lalaine?" Mula sa pagkakatulala ay nakarinig siya ng boses. Napalingon siya sa lalaking nag-aayang maisayaw siya. Namumukhaan niya ito. Kabilang ito sa kanilang klase. Hindi nga lamang niya kilala at alam ang pangalan nito.
Gusto niyang tumanggi pero walang boses na gustong lumabas sa kanyang bibig kaya umiling na lamang siya. Nalungkot ang guwapong mukha ng lalaki dahil sa pagkakapahiyang maisayaw siya.
"Sayang naman ang ganda mo kung magbubu
