Hindi pa nagsisimula ang klase ay humihikab na si Lalaine. Inaantok siya kahit sabihing sapat naman ang tulog niya kagabi.
"Hay! Ano ba yan," sita niya sa sarili nang muli ay humikab siya. Tinakpan niya ang bibig sa pamamagitan ng palad. Makailang ulit at sunod-sunod talaga.
"Hey, Hey! Coffee?"
Agad siyang napaayos ng upo nang bigla na lang sumulpot sa kanyang harapan si Allen. May dala itong kape na mukhang binili pa sa isang mamahalin at sikat na coffee shop. Agad nitong iniabot sa kanya iyon.
"S-salamat..." ika niya nang makuha iyon. Wala naman siyang choice at siguradong hindi siya bibigyan ng pagkakataon na tumanggi.
"Mas nakakaganda daw lalo ang kape," pambobola pa nito. Nagulat pa siya nang hinila nito ang isang upuan sa harap at tumabi sa kanya. Kunot noong napatingin siya
