"Susubukan ko hong makahanap ng irereto kay Dr. Salazar," tatawa-tawang sagot ni Franco sabay sulyap sa akin nang may mapang-asar na ngisi.
Bahagyang umiyak si Audrey ngunit sapat ang lakas para marinig nina Mommy.
"Teka... andiyan ba si Audrey?" wika ni Mommy.
"Yes ma'am. Andito po ang anak ni Dr. Salazar," malugod na sagot ni Franco.
"Ay oo nga pala, may check-up siya ngayon. Naku, Franco, baka ma-misinterpret mo si Lauren, ha! Hindi mo na ireto. Inuna kasi niyan ang pagkuha ng anak kesa sa asawa," daldal pa ng aking nanay.
Si Franco naman, halatang aliw na aliw. At alam ko kung bakit. Maybe in his mind he's trying to think na buti nga sa akin dahil ni-reject ko siya dati.
"Ang cute ng anak niya," komento ni Franco, may ningning sa mga mata. Halatang punong-puno ng pagmamalaki pa
