"Saan ba kasi tayo pupunta?" tanong ni Regan kay Clyde habang hila siya nito papunta sa elevator.
Kakatapos lang kasi nila nitong kumain at niyayaya na kaagad siya nitong lumabas. Ni hindi pa nga nila naliligpit ang pinagkainan nila nito. Hindi pa rin siya nakakaligo pero dahil mukhang excited masyado ang lalaki ay hinayaan na lang niya ito. Nagpatianod na lang siya sa kung saan man siya nito balak dalhin.
"Surprise nga... don't worry, I'm sure you will going to love it," tugon nito sa kanina. Magkahawak sila nito ng kamay mula paglabas at hanggang sa loob ng elevator ay hindi nito iyon binibitawan.
Something is off with Clyde at ramdam niya iyon. May kakaiba sa lalaki simula nang magising siya kanina. Hindi lang niya matukoy kung ano. Panay ang sulyap niya sa kamay nila nitong magka
