BUONG biyaheng hawi ng hawi ng buhok niya si Ezra. Naiirita sa mahaba na niyang bangs na laging bumabagsak sa noo papunta sa may mata. Kahit hipan niya ito para maalis sa mukha ay kusang bumabalik dahil sa bagsak at malambot niyang buhok. Nakadagdag pa ng pagkainit ng ulo niya ay ang napakabagal na daloy ng trapiko simula sa kanilang bahay papunta ng Batangas. Nasa kahabaan pa lang siya ng Edsa ay usad pagong na ang mga sasakyan at ngayon na nasa South Luzon Expressway na siya ay todo na sa hindi paggalaw ang mga sasakyan. Napaisip tuloy siya kung tama ba na dumiretso na kaagad siya ng biyahe papunta ng Rancho Servano kahit na kagagaling lang niya sa probinsiya ng Benguet. Mula sa Cordillera Region ay padako naman siya sa Timog. Magkabilaang dulo ang pinanggalingan at tinatahak niya. Umaga
