NAKARATING sila kung saan nakaparada ang kotse ni Ace bago lumakas ang ulan. Lumingon sa labas ng bintana si Louisa at tumingala. Madilim ang langit. Kumukulog na rin.
"Naku, may bagyo ba?" Nag-aalalang bulong niya.
"Wala namang weather forecast na may bagyo," tugon nitong in-start ang makina ng sasakyan. "Diretso na tayo sa part time mo?"
Nilingon niya ito. "Hindi ba, may meeting kayo?"
"Dumaan na ako kanina sa gym. Hindi raw tuloy meeting namin. Maagang umuwi si coach, may emergency raw sa kanila."
Tumango si Louisa bago dinukot ang cell phone sa bulsa ng back pack niya. Napabuntong hininga siya. Oo nga pala sira ang cell phone niya. Balak niya sanang itext si Lovely at magpaalam na bukas na lang siya papasok.
Mahirap na kasi at baka abutan pa sila ng malakas na ulan. Kahit may s
