"MAUNA na kayo." Utos ni Andrei kina Lovely habang nakatanaw sa daan na tinahak ni Louisa.
"Ha? Bakit?" Nagtatakang tanong ng dalaga.
"Sundan ko lang si Isay. Baka hindi niya alam yung daan."
Sumingit si Angge. "Alam na niya 'yon. Pinapunta siya roon kanina no'ng mag-muse siya eh! 'Di ba, Patring." Siniko nito ang kaibigan.
"Oo." Tumango si Patring. "
"Oh, ayon na naman!" Segunda ni Lovely. "Let's go na! Susunod naman 'yon sila."
Napailing si Andrei. Kaya gusto niya ring sundan si Louisa ay para makausap ito. Hindi man lang ito sumusulyap o tumitingin sa kaniya.
Hindi naman rin niya ito masisisi kung makaramdam ng galit o inis sa kaniya. Hindi niya nasabi rito na na-cancel ang meeting niya. At magkasama sila ni Lovely.
Iniisip pa naman ni Louisa na dati silang may relasyon ni
