"KUMUSTA na po kayo, 'Nay? Tumutulong ba sa 'yo sa gawaing bahay ang mga kapatid ko? Si Tatay? Maayos na ba lagay niya?" Sunod-sunod na tanong ni Louisa.
Kasalukuyang nandito siya kusina, katatapos lang hugasan ang mga pinagkainan. Ngayon lang siya may oras para makatawag sa pamilya. Masyado kasing busy si Louisa nitong mga nakaraang araw.
Bukod sa may paparating na bisita si Madam, umpisa na rin ng klase ng mga alaga niya sa eskwelahan bukas.
"Tumutulong naman sa akin ang mga kapatid mo at huwag kang mag-aalala maayos ang lagay namin. Kaya lang itong Tatay mo, naku! Napakatigas ng ulo! Pinipilit pa rin magtrabaho!" Sagot Nanay ng Louisa.
"Huwag na muna ninyo pagtrabahahuin sa koprahan, Nay. Kagagaling pa lang niyan, eh." Napapailing na sabi ni Louisa.
"Ilang beses nga namin sinabi
