“ANONG gusto mong ulam mamaya?” Tanong ni Louisa kay Ace.
Kasalukuyang nandito na sila sa grocery sa loob ng condominium building ni Ace. Tulak-tulak ng binata ang cart habang nakasunod sa kaniya.
“Anything,” sagot nito.
Nagkibit ng balikat si Louisa at kumuha ng mga pangunahing mga pangangailangan sa kusina, tulad ng mga condiments at seasoning. At saka sila dumiretso sa meat and vegetables section.
Balak niyang mag-adobo na lang pag-uwi. Mas masarap iyon kapag ininit na kasi kinaumagahan. Kumuha rin siya ng mga gulay at karne.
“Anong part time ang inaalok sa ‘yo ni Villareal?” Mayamaya ay tanong ni Ace.
Nilingon ni Louisa sandali ang binata bago kumuha ng tinapay na gagamitin niya bukas sa pag-gawa ng sandwich para sa snack ng mga alaga at inilagay ‘yon sa cart. “Hindi naman
