“Ah, yeah. She’s also a friend of Andrei,” sagot nung babae.
Kumunot ang noo ni Louisa nang banggitin nito ang binata. Kilala rin nito si Andrei? At pa’no nito nalamang magkakilala sila?
“Oh… that’s interesting,” patango-tangong usal ni Sir Kalvin.
Binalingan ni Louisa ang professor at tipid itong nginitian. “Sir, mauna na po ako,” paalam na niya rito.
Tumango ito at ngumiti rin sa kaniya. “Okay. Salamat sa dito, ah.” Sabay dinampot ang ensaymadang ibinigay niya.
“Wala pong anuman,” tugon niya bago lumabas na rin ng classroom.
Nagtataka pa rin na dumiretso si Louisa sa ladies room. Mamaya ay balak niyang tanungin si Andrei pag-uwi niya sa mansion tungkol sa magandang babaeng ‘yon.
Siguro ay katrabaho nito ang babae na hindi malayong mangyari. Sa ganda ba naman no’n baka mga TV
