Sa loob lang ng maikling panahon ay nagawan ng paraan na maihanda ang mga kakailanganing dokumento para sa paglipad ni Penne patungo sa ibang bansa. Iba talaga kung gumalaw ang pera. Minsan, para itong panginoon na nakakayang pagalawin ang mga bagay na imposibleng magawa ng mga simpleng taong gaya ni Alina. Ang tanging ginawa na lang nila ay ang maghintay para sa takdang oras.
Sa likod ng lahat ng preparasyon ay si Noah. Walang kapaguran nitong inaatupag ang kaliit-liitang detalye na kakailanganin. Sa mga pagkakataong naririnig at nakikita niyang nakikipag-usap ito sa kung kani-kanino, masasabi niyang mas naging metikuluso ito ngayong para kay Penne ang pinagkakaabalahan. Dapat lang dahil obligasyon nito ang anak. Within those days, dalawang beses na ring napapadalaw si Mr. Francis Alcant
