He woke up in a different room, with the smell of fresh morning greeting his senses. Iginala ni Noah ang mga mata sa paligid. Napabalikwas siya ng bangon nang mapagtantong nasa kama pa siya ni Alina. Baka magalit ito na dito siya nagpalipas ng gabi. Sa ginawa niyang pagtayo ay nalaglag mula sa katawan niya ang malambot na kumot.
Pumapalakpak sa tuwa ang puso niya.
Kinumutan siya ni Alina. Somehow, may pag-aalala pa rin para sa kanya si Ali. Simpleng bagay ngunit ibayong tuwa ang dulot sa kanya.
Hinanap kaagad ng mga mata niya ang galit nitong mukha ngunit hindi ito nakita. May iyak ng sanggol na nagmumula sa terrace ng bahay. Sinilip niya iyon. Alina ang Gab were there. Nakaupo si Ali sa tumba-tumbang upuan habang kalong si Gab. May sapat na init na dumadantay rito at sa bata.
'Lalapit
