Fulfilled. Ganoon ang pakiramdam ni Noah sa kabila ng kinakaharap na samu’t-saring gawain sa opisina. Pagod man ngunit busog sa kaligayahan ang puso niya. Who would not when he had one epic night? Sa wakas, nagawa niyang hawakan, kargahin at mahalikan ang Gabriel niya. Panakaw man ngunit iba ang tuwang dulot sa kanya. Ganito pala ang pakiramdam kapag napapatahan ang sariling anak, walang kapantay.
Nasa labas lang naman siya ng master bedroom, nakalatag ng comforter at patingin-tingin sa mobile phone at sa laptop. He spent his night mostly with work while looking after Penelope and Gab. Tulog-manok siya pero okay lang. Kulang pa nga ang ginawa niya kung ikukumpara sa hirap na pinagdaanan ni Alina habang pinapalaki si Penelope nang wala siya sa tabi ng mga ito. In a lifetime, hindi niya ma
