NAGPASYA si Cassie na sila muna ni Pedro ang magbabantay sa ama niya. Pinauwi na muna niya ang ina para makapagpahinga. Ito ang magbabantay muli bukas ng umaga.
Pagkatapos ng preliminary care sa ER, dinala agad ang ama niya sa ICU. Hindi pa ito nakakalipat sa private room mula noong dinala nila ito sa hospital. Under observation pa rin ito dahil sa heart attack dulot ng imbalance sa electrolyte. Nagising na ito ng ilang minuto at nakausap na rin ng nurse in charge. Na rule-out na nila ang comatose at kasalukuyang inaantay na lang lumipas ang ilang oras para malipat ito sa private room.
Nanginginig ang mga kamay niya habang nakaupo sa metal na upuan sa gilid ng hallway ng hospital. Hawak-hawak niya ang mainit na kape habang nag-aantay ng magandang balita mula sa ICU nurse. Oras oras si
