Mrs. San Pedro is not lying.
Napakalaki nga ng bahay ni Renz. Hindi lang ako ang sobrang humanga sa laki at disenyo ng bahay kundi pati na rin ang mga magulang ko.
"So, ilang kuwarto ang meron dito, Renz?" narinig kong tanong ni Dad habang papasok kami sa mansyon.
"Nine po, Tito. Isa para sa mag-asawang katiwala ko rito. Tatlong ng guest rooms, isang entertainment room, isang gym, display room, at sa attic po ang kuwarto ko at studio."
Bakit 'di pa ginawang sampu? hirit ng isipan ko.
"May roof deck din po." Hindi naman nagyayabang ang boses niya pero pakiramdam ko ay ang yabang ng dating ng mga salita niya.
"Yeah, roof decks. Iyon din ang pinadagdag ko sa bahay namin ngayong nare-renovate na ito. Your house costs a fortune, Renz," humahangang sabi ni Dad sa kanya. And I know, Dad'
