TWO YEARS LATER
Hindi magkandaugaga si Hershelle sa pag-aayos ng kanyang sarili. Dalawang linggo pa lang mula nang dumating siya galing sa New York pero heto larga na naman siya sa panibagong trabaho.
Hindi na kasi maaaring magtrabaho ang Daddy niya. Ilang beses na itong na-stroke mula noon. Ang pinakamalala ay noong umalis siya nang walang paalam. Muntik nang mamatay ang Daddy niya. Mabuti na lang at naagapan ito. Naitakbo agad ito ng Mommy niya sa ospital. Pero malaki ang naging damage katawan ng ama niya noong ma-stroke ito. Kalahati ng katawan nito ang hindi maigalaw. Gumaling man ang ibang parte ng katawan nito, nakulong naman ang ama niya sa silyang de-gulong. Hindi na ito nakalakad mula noon.
Nang malaman niya ito ay para siyang nagising mula sa mahimbing na bangungot. Kumbaga
