Prt. 1 SB 79: Tears of Joy
NAPATAPOS ang masayang kainan sa tribu dahil sa idinaos na kasalan. Nakakatuwa lang isipin na kapag may isang masaya sa tribu ay damay ang lahat. Kumbaga, dito mo makikita ang isang kapatiran. Pakiramdam ni Crim Carl ay dito siya nabibilang dahil ang saya lang. Hindi siya nakakaramdam ng kalungkutan kahit pa’y wala siyang maalala tungkol sa kanyang mga nakaraan. Gusto niya itong alamin ngunit hindi niya alam kung paano.
“Ano ang iniisip mo? Hindi ka ba nabusog sa ating kinain?” tanong ni Ally at napayakap ito sa kanyang braso.
“Ang sarap ng ating kinain. At busog na busog ako. Iniisip ko lang kung paano magbalik ang aking alaala?”
“Hindi ko rin alam kung ano ang sagot diyan ngunit may mga nagpupunta naman ditong doktor.”
“Doktor?”
“Oo, sila ang mga mangga
