“NALAMAN ko kay Salve na nagkita raw kayo ni Zanray sa grocery store sa mall na pinuntahan niyo?” seryosong tanong ni Xannder kay Shania.
Bigla na lang pumasok si Xander sa kwarto ni Shania at seryoso itong nakatingin sa kaniya.
“Tinanong ko siya dahil nagtataka ako sa biglang pananamlay mo kahapon at nagkulong ka na lang sa kwarto. Hindi sana niya sasabihin pero tinakot ko siyang mawawalan sila ng trabaho ni Manang Karing, kapag hindi siya nagsabi sa akin ng totoo sa nangyari sa’yo kahapon.” Nanlaki ang mga mata ni Shania sa sinabi ni Xander.
Sobra naman kasi ang pananakot nito kay Salve para lang malaman ang dahilan kung bakit siya nagkaganoon.
“Bakit mo naman tinakot nang ganoon si Salve?” may inis na tanong niya sa asawa.
“Kasalanan mo naman iyon, eh, hindi ka sana nagpahalata s
