Chapter 32
Ravena
Paglabas ko kagabi sa hotel upang mag-dinner sa ibaba nakita ko si Anthony; ang masugid na manliligaw ni Mandy. Ang nakakatuwa dahil nasa kabilang silid ko lang pala siya. May business trip siya rito sa Thailand. Tinanong niya sa akin kung nasaan si Mandy, at sinabi ko naman sa kanya ang totoo na may asawa na ito. Subalit hindi ko sinabi na ang boyfriend ko ang asawa ni Mandy.
Dahil close din naman kami ni Anthony, pinuntahan niya ako kanina sa aking silid at dinalhan ng kape. Iyon nga lang naabutan siya ni Elias sa loob ng aking silid. At mukhang hindi yata nagustuhan ni Elias ang nakita niya na may lalaki rito sa loob ng silid ko. Bukas na ang kasal namin at mukhang malagay pa yata sa alanganin ang kasal namin.
Masama ang timpla ng mood niya at nakakunot lang ang
