Ilang linggo na rin ang nakalipas simula ng pakainin ako ni Kiro roon sa unit niya.
At ilang linggo ko na rin siyang 'di nakikita busy na rin kasi ako, sinimulan na namin ang project naman at lagi ko na rin nakakausap si Engineer Martiñez at nakakasama ko rin siya sa site.
Ngayong araw ay rest day muna ako, nakakapagod din kasi lagi akong nasa site para i-check 'yong mga gawain, minsan 'di nga lang kami nagsasabay ni Engineer Martiñez, minsan 'pag alis ko siya naman ang darating o kaya 'pag alis niya ako naman ang darating.
Pero minsan naman sabay kaming nagche-check sa site.
At dahil rest day ko ngayon tambay lang ako sa unit ko at wala akong magawa tapos na rin kasi ako maglinis.
Ano kaya ang matinong gawain ngayon? Hmm, makapagluto na lang at mambubulabog ako sa kapitbahay ko.
'
