Gerald's POV
"Kamusta mo na lang ako kay tita ha." Tipid akong ngumiti, habang kaharap ko si Rinoa sa reception ng island.
Pauwi na sila sa Manila, pero tangina, iyong sakit na dinulot nila sa 'kin kahapon ay sariwang-sariwa pa.
"Sige, Gerald." Tumango siya.
Nilibot ko ang paningin nang hindi ko na matagalan ang titig sa kanya; para akong tinutunaw ng presensya niya.
Kaming dalawa lang ang magkasama sa reception, hinihintay namin si Nathan na inaabangan sa labas ang sasakyang maghahatid sa kanila sa airport.
"Ako rin, kamusta mo na lang din ako kay tita," aniya.
Napatingin ulit ako sa kanya. Nilaro niya ang mga daliri niya at tila ba pinitik ang mga mata ko nang makita ang makinang na engagement ring na suot niya.
"S-sige." Pilit kong binuka ang bibig kong namanhid. "Parang wala
