TAHIMIK SI Selestina sa sala, nakaupo sa sofa na parang walang nangyari. Ang mga mata niya ay nakatuon pa rin sa anime na pinapanood niya, pilit pinapakalma ang sarili. Pero kung alam lang ni Rogue ang totoong takot na bumabalot sa kanya.
“Selestina.”
Napakislot siya nang marinig ang boses nito. Kahit pangalan lang ang binigkas, ramdam na niya ang matinding kaba sa dibdib. Ang boses ni Rogue ay tila palaging may kasamang banta.
“Come here.”
Kinagat niya ang labi at dahan-dahang tumayo. Mabigat ang mga paa niya, nanginginig habang lumalapit. Nang nasa harap na siya ni Rogue, ibinaba niya ang tingin. Hindi niya kayang salubungin ang mga mata nito.
Itinaas ni Rogue ang kamay at hinaplos ang pisngi niya. Ngunit parang kuryente ang dumaloy sa katawan ni Selestina, kaya mabilis siyang umatr
