Alexie's POV
Isinawsaw ko ang fries ko sa sunday ko tsaka ito sinubo. Ang sarap talaga ng fries ng Mcdo lalo na kapag sinamahan mo ng sawsaw sa sundae. Walang labis, walang kulang. Kung ano ang lasa niya noong bata ako, gano'n na gano'n pa rin ang lasa niya hanggang ngayon.
"Are you serious, baby? Isinawsaw mo 'yung fries sa ice cream?" Hindi makapaniwalang tanong sa akin ni Raymart.
"Masarap kaya," sabay-sabay na saad naming tatlo nila Jerome at Cloma. Tulad ko isinasawsaw rin nila ang fries nila sa sundae.
"Pati kayo isinasawsaw ang fries sa ice cream?" Gulat na tanong ni Raymart sa dalawa.
"Subukan mo kasi para malaman mo parang hindi ka dumaan sa pagkabata, hah," sambit ko at isinawsaw ulit ang fries sa sundae at itinapat sa bibig ni Raymart.
Hindi naman siya nagreklamo at binuks
