Tumiim bagang siya matapos makitang ito talaga ang bumuhat kay Meloni at mukhang ito rin ang magdadala sa ospital. Nanikip ang d*bdib niya sa hindi malamang dahilan. Naiinis siya at gusto muli itong murahin.
"Hintayin na natin. Mabilis lang siguro at babalik din iyon," pagpapakalma ni Yaya Lilit.
Hilaw siyang napangisi. Hindi na nga magarbo ang kasal na binigay sa kanya, nasira pa. At bakit niya pa ito hihintayin? Para ano? Para magmukha siyang t*nga sa harap ng mga bisita? Siya lang yata ang bride na iniwan sa gitna ng kasal para lang makatulong sa ibang babae ang mapapangasawa niya.
"Umupo ka muna—saan ka pupunta, Crystal?" Gulat na tanong ni Yaya Lilit matapos niyang magmartsa paalis sa altar.
"Uuwi na po. Kayo na lang ang maghintay sa magaling ninyong amo. Paki-uwi na lang din po s
