Mababaliw yata talaga si Crystal sa sobrang pagkalito. Naiiyak na nga siya na hindi pa rin nila makita si Serenity tapos ay hindi pa rin umaamin si Royce na ito ang nagtago sa anak niya.
"Hindi naman ako maghahabol sa'yo basta ipakita mo lang ang anak ko! Ano ba ang hindi malinaw sa sinabi ng katulong na sumama sa Daddy niya si Serenity? Ikaw lang naman ang alam niyang Daddy niya!" Frustrated na niyang sigaw.
Sobrang naguguluhan na siya. Kaunti na lang ay mawawala na siya sa sarili sa sobrang pagkagulo.
"Uminahon ka muna, Crystal. Himayin nating mabuti ang mga pangyayari," mahinahong pakiusap ng Daddy niya.
"Dad, how can I calm down kung hindi mahanap ang anak ko?!"
"Tumahimik ka nga! Hinahanap na ng mga pulis ang anak mo. Kung hindi ka kakalma riyan ay lalong hindi mahahanap ang anak
