Bago bumalik ng Italya ang pamilyang Villaluz ay nai-train pa siya ni Aine sa Twins Frenchies. Naipakilala na din siya nito sa ilang regular na parokyano ng restaurant.
"Ilalagay kita dito sa dining ha, para maging familiar ka sa mga salita nila. Alam mo naman, ang bibilis magsalita nang mga yan then minsan, akala mo eh kinakain," nakangiting bulong nito sa kanya. "Kapag may hindi ka maintindihan, you can call anyone of your co-workers on floor. Mababait naman ang mga iyan at sure na hindi ka iiwan ng mga iyan sa ere." Itinuro nito sa kanya pati paglilinis ng comfort room. "May mga customers na messy kaya ito ang isa sa pinapa-monitor ko talaga. Yung para sa lalaki, yung partner mong guy ang maglilinis nun, okay?" Tumango siya.
Pati pag-delute ng mga chemicals ay itinuro nito
