Naging mailap sa akin ang mommy ni Christian sa mga sumunod na araw… hanggang sa sumapit na ang kanyang birthday. Alam ko naman, ayaw niya sa akin. Nararamdaman ko ‘yun.
"Tapos ka na ba?" napalingon ako sa pintuan nang bumukas ito at pumasok si Christian.
Ngumiti ako ng tipid, hindi mapakali. Ayoko atang lumabas ng kwarto niya dahil sa kabang naramdaman ko ngayon. Hindi ko alam kung paano ko pakikitunguhan ang mga tao sa buhay niya… lalo na ang pamilya niya.
Lumapit siya sa akin. Hinapit niya ang aking baywang ko at tiningnan ang repleksyon namin sa salamin. "Ang ganda mo," sambit niya habang nakatingin sa repleksyon ko.
Pinagmasdan ko rin ang repleksyon namin sa salamin. Isang kulay itim na dress ang suot ko, binili ni Christian ito kahapon nang ayain niya akong pumunta sa mall. Pinil
