Pagkatapos ng tatlong araw na bakasyon namin sa Palawan, dumiretso kami sa Ilocos, gaya ng napag-usapan namin. Sobrang saya ni tatay at ng mga kapatid ko nang magkita-kita kami. Medyo marami na ring nagbago sa buhay namin simula nang makapag Japan ako. Napagawa ko na ang bahay amin at nabili ko rin ng lupa si tatay para magkaroon siya ng sariling sakahan.
Tatlong araw rin kaming namalagi sa Ilocos bago bumalik sa Maynila. Sa sumunod na linggo, naging abala na kami dahil nagkaroon na ulit kami ng gig. Madalas kaming puyat at konti na lang ang panahon namin para sa sarili. Mabuti na lang ay makakapagpahinga kami ngayon dahil wala kaming gig mamayang gabi.
"Hindi ka lalabas ngayon?" tanong ko kay Calyx. Nakahiga siya sa sofa habang nanunuod ng basketball.
"Hindi."
"Okay," kibit balikat n
