I'm sorry, Christian. Gagawin ko munang tama ang lahat bago ayusin ang atin. Kailangan ko munang harapin si Ryan.
Mugto ang aking mga mata pagdating sa condo. Naabutan ko si Calyx, Kiel, at Ryan na nagtatawanan.
"Oh, Hazel? Saan ka galing?" tanong sa akin ni Calyx.
Hindi ko siya kinibo. Nagtama ang mga mata namin ni Ryan, umusbong ang galit sa akin. Naalala ko na naman kung ano ang mga sinabi niya kay Christian. Kung paano niya kami sinirang dalawa. Kinuyom ko ang aking mga kamay, lumapit sa kanya at hinila siya patayo.
"Hazel…" nagtatakang sabi niya. Nanatiling nakaupo si Calyx at Kiel, nagtataka rin sa ikinilos ko. "Hazel—"
Hindi ko na siya pinatapos. Humampas na ng malakas ang aking palad sa kanyang pisngi. Napatayo si Kiel at Calyx dahil sa gulat. Lumapit silang dalawa kay Ryan
