( Chapter 65 - We need to talk, Red! )
Red's POV
Pag-uwi namin sa bahay ay agad kong hinatid si papa sa kuwarto niya para makagpapahinga siya.
"Bakit kasama mong umuwi iyon?" tanong ni mama paglabas ko sa kuwarto nila.
"Nadaan ko po sa kanto, sinabay ko na sa tricycle at nakita ko kasing naglalakad," pagsisinungaling ko.
"Nga pala, wala ka na bang balak magtrabaho, anak?" Sa tanong pa lang niya ay alam kong kailangan niya ng pera. Bakit kaya? Ano kaya ang problema?
"Ano po bang problema? Kailangan niyo po ba ng pera?" tanong ko agad. Kilala ko na kasi si mama.
"Naku, anak, hindi. Natanong ko lang naman. Hindi naman ako manghihingi ng ipon mo at alam ko namang marami kang nagastos para sa papa mo noong na-hospital siya."
"Sabihin niyo na po. Okay lang, marami pa naman akong pera,"
