( Chapter 44 - Anong ginagawa doon ni Waldo? )
Red's POV
5 am nang tumunog ang alarm clock. Ayoko pa sanang gumising para matulog pa sana, pero hindi puwede dahil susunduin ko si mama sa hospital para makagpagpahinga naman siya. Naligo muna ako bago tuluyang bumaba. Pagdating ko naman sa kusina ay nagluto ako ng fried rice, hotdog, longganisa at piniritong itlog. Pagkatapos kong magluto ay pinaglalagay ko iyon sa mga tupperware. Doon na rin ako mag-aalmusal para masabayan sila. Nagdala rin ako ng prutas na binili ko kahapon nang madaan ako sa palengke.
Saktong 7am nang makaalis ako sa bahay namin. Naglakad ako ng dalawang kanto dahil naroon ang mga paradahan ng tricycle. Kay Manong Buboy ako nasakay. Kumapare ito ni papa kaya kilalang-kilala ko na.
"Kumusta ang kumapare ko, Red?" tano
