“Bes…hindi ba si Tiyo Bor iyon?” agad na saad ni Kia nang nakalabas na sila ng mall.
“Oo nga si Tiyo Bor nga ‘yon. Naku, bakit nandiyan siya sa hagdanan at nakaupo? Kawawa naman ang tiyuhin ko,” sagot naman ni Fermie at agad na nilang nilapitan si Tiyo Bor na nakaupo sa gilid ng hagdanan paakyat sa entrance ng mall.
“Tiyo Bor, bakit po kayo hindi sumunod sa amin? Akala naming ay nawawala na po kayo.” Agad na tinapik ang balikat ng tiyuhin.
Tumayo agad si Tiyo Bor nang makita sina Fermie at Kia. Kitang-kita sa mukha nito na nabuhayan siya ng loob.
“Mabuti naman at natuntun ninyo ako rito. Kinabahan na ako kung nasaan na ako. Hindi na kasi ako nakapagsalita nang pumasok na kayo ng Tiya Lupe mo, Fermie. Bumukas kasi bigla iyong pintuan na salamin. Eh…hindi ko na kayo naabutan kasi itong t
