PASIMPLENG siniko ni Erik si Mando at pabulong na nagtanong. “Siya ba si Boss Madam? Bakit parang ang bata niya?” Halos hindi niya ibinuka ang bibig dahil baka malaman ng babaeng nasa upuan na nagdududa siya na ito ang boss ni Mando sa pinagtatrabahuhan nito.
“Oo. Siya nga…” Mahina nitong sagot.
Muling pinagtuuan ng pansin ni Erik si Boss Madam. Naka-pout ito at tila malungkot. Nagkukuyakoy ang isang paa na akala mo ay isang batang naiinip lang sa paghihintay ng sundo nito sa school. Malayo sa sinabi kanina ni Mando na masungit daw itong tingnan. Nasaan ang masungit sa babaeng iyon? Wala siyang makita kahit katiting.
Umayos ng upo si Boss Madam. “Gusto mo daw akong kausapin, Mando? Tungkol ba saan? Before you answer me, umupo muna kayo ng kasama mo.” Itinuro nito ang dalawang ba
