Spoiled brat
Pansin ko ang eyebugs sa mukha ni Phoebe. Anong nangyayari? Sa pagkakaalala ko kagabi sabay kaming natulog. Ba't parang kinulang siya sa tulog at namumugto ang mga mata?
Minsan ko nalang rin kasi siya nakakausap. Minsan kasi may sarili akong mundo, ganoon rin siya.
Sinundan ko ang tinititigan niya dito sa classroom namin. May isang subject talaga na may tinititigan siyang babae. Itong may foreign features na magandang babae. Natural na blond ang buhok niya. Madali mo siyang napapansin dahil siya itong naiiba dito. Eh halos lahat nga ata ng kaklase kong lalake ay isa rin siya sa mga tinititigan nila dito. Hindi ko lang alam ang pangalan kasi naman wala akong pakialam sa mga kaklase ko. Pero ngayon ko lang siya namataan sa BTS University. Dito lang sa college building. Hin
