Chapter 66
Julie Ann
Pagpasok namin, amoy na amoy ang tsokolateng aroma ng champorado sa kusina. May naka-prepare na sa mesa, may mangkok, kutsara, baso ng tubig, at isang platitong may tuyong bangus na pinirito.
“Teka… may tuyo?” tanong ko, nakangiwi pero natatawa.
“Eh ‘di ba, sabi mo dati gusto mong tikman ‘yong combination ng champorado at tuyo pero wala tayong panahon noon?”
Tumango ako. “Oo nga. Ang naaalala mo pa talaga.”
Si Mommy at si Lola? Tulog pa ba sila?" tanong ko.
"Tulog pa yata sila. Hayaan muna natin ang mga matatanda," sabi nito.
Umupo kami at nagsimulang kumain. Kumakain si Mark habang pinagmamasdan ako, tila ba hindi siya nagsasawa. Hinayaan ko lang siya. Hindi na ako nagkunwaring hindi ko siya napapansin. Kasi sa totoo lang, gusto ko rin siyang titigan habang n
