HINDI ko alam kung dapat ko pa bang pagtuunan ng pansin ang mga hinala ko. Paano kung mali lang pala ako? Pero paano kung tama ako?
Ayaw ko ng ganitong pakiramdam. Pero si Chaos... siya mismo ang nagbibigay sa akin ng dahilan para maramdaman ko ito.
Ano ngayon kung may namamagitan kay Hestia at sa pinsan niya? Matanda na ang dalawang iyon at may sariling pag-iisip. Alam na nila ang tama at mali. Mas lalong alam nila kung makakabuti ba ang isa’t isa para sa kanila. Hindi niya kailangang makialam. Hindi niya kailangang mainis dahil lang sa dahilang iyon.
Bakit ba siya nangingialam? Bakit siya nagagalit sa dalawa? Nagseselos siya? Naiinggit? Ano?
May kumikirot sa dibdib ko habang pinagmamasdan ang inis na inis pagmumukha ni Chaos dahil na naman sa dahilang iyon. Heto na naman siya.
“Hang
