"Bakit ang dami mong kinukuhang instant noodles? "
Ibinalik ni Casen ang ibang pack ng ramen sa istante.
"Comfort food ko 'yan, okay?" Aktong dadamputin uli nito ang mga ibinalik niya nang hinila niya ang baraso ng pasaway.
"Buy something nutritious not that preservatives." Itinulak niya ang cart gamit ang kaliwang kamay habang hawak naman niya si Tamara sa kabila.
"But I like it." Napansin nito na masama na ang kaniyang timpla kaya wala na itong nagawa kung hindi ang sumunod.
"Aren't you going to buy fruits?" Ipinakita niya dito ang hawak na isang piling na saging.
"No. Put that back."
"Gulay, ayaw mo?"
"No."
"Get one of that," Sa pagkakataong iyon itinuro naman niya ang mga nakabalot na karne sa meat section.
Tiningnan siya ni Tamara.
"Ako o ikaw ba ang namimili?"
"Tin
