"Sky, uy!" Nagulat pa si Sky nang salubungin siya ng katrabahong si Mel nang makita siya nitong papasok na sa loob ng opisina niya. Hindi naman kasi sila close nito at bali-balitang may gusto ito sa boss nilang si Iñigo.
"May problema ba?" tanong niya.
"Tara sa loob ng office mo, chikahan mo ko." Kaagad siya nitong hinila papasok sa loob ng kaniyang opisina.
"T-teka, anong meron?" Nagtataka siya pero hindi niya mahulaan ang dahilan ng pangungulit nito sa kaniya.
"Dapat ako ang nagtatanong sa'yo niyan. Anong ganap sa inyo ni Sir Iñigo aber?" tanong nito.
"Wala naman," matipid na tugon niya.
Kinuha niya ang mga folder sa ibabaw ng kaniyang lamesa at isa-isang binuklat iyon.
"Anong wala? Ang daming nakakita sa pagtatalo n'yo kanina sa baba." Patuloy pa rin na pangu
