CHAPTER 76
Kung akala ni Angelic na tuluyan nang nagbago si Jeon — Isa iyon sa malaking pagkakamali. At marahil — Isang mapanganib na ilusyon. Totoo. Sa harap niya ay mas mahinahon ito ngayon. Mas mapagpasensya kaysa dati. Mas marunong ngumiti — at hindi peke ang mga ngiting iyon, hindi pilit. Nandoon ang init, nandoon ang totoong bagay. Ngunit — Hindi ibig sabihin noon na nagbago na ang lalaking kilala ng buong underground world. Dahil ang totoong Jeon Devereaux — Ay nananatiling parehong tao. Malamig. Mapanganib. At walang awa sa mga kaaway — ang uri ng walang awa na hindi nagmumula sa kasiyahan o kalupitan kundi sa isang bagay na mas malalim at mas matagal nang tinatahak. Isang desisyon na ginawa ng isang batang lalaki sa isang gabi na hindi na niya makakaligtaan — at naging bahagi na ng
- Writer
