“R-Red…” nahihirapang sabi ni Jewel. “Paano ako makasisiguro na totoo ang pagmamahal na sinasabi mo? K-kung sinasabi mo lang ‘yan ay dahil sa anak ko, mas mabuting umalis ka na. Pinapangako ko sa ‘yo, hindi ko pababayaan ang anak ko. Bubusugin ko siya ng pagmamahal na hindi kailangan ng pagmamahal ng isang ama.”
“Anak natin, huwag mong solohin. Ilang pruweba ba ang puwede kong ipangalandakan sa ‘yo para maniwala ka sa iba pang sasabihin ko? Isa pa, nariyan si Rochelle, sa loyalty sa ‘yo ng kaibigan mong ‘yon, hindi niya ako hahayaang mapalapit sa iyo kung alam niyang niloloko lang kita.”
May katuwiran ito.
Nangingilid ang luha sa kanyang mga mata. Mayamaya, kinabig siya ni Red at niyakap nang mahigpit. Iyon ang kanina pa niya gustong maramdaman–ang yakap ng lalaki na mag-aalis ng kanyan
