Ang Pangungulila ng Isang Ina
By: IWM
Alas onse na ng gabi nguni’t hindi parin dinadalaw ng antok si Toni. Pagulong-gulong siya sa kanyang kama at pilit na binablanko ang kanyang isipan ngunit hindi parin niya magawang makatulog.
Sumandal siya sa head board ng kanyang malaking kama at inabot ang kanyang laptop na nakapatong sa mesa sa tabi ng kama. Agad niya itong binuksan at matyagang naghintay habang naglo-loading ang kanyang computer. Habang siya ay nakatitig sa screen nito ay lalong tumitindi ang kanyang nararamdamang pananabik. Pananabik na may halong pangungulila habang siya ay mag-isang nakatira sa kanyang malaking apartment.
Si Toni ay kasalukuyang nasa Canada upang magtrabaho habang ang kanyang pamilya ay naiwan sa Pilipinas. Ang kanyang asawa ay nasa Makati upang i-manage ang
