HINDI makatulog nang gabing iyon si Patrick. Paulit-ulit sa isip niya ang sinabi ni Mang Ben tungkol sa tauhan ni Salviejo na nanakit dito. Kinausap niya ang matanda at desidido na sana siyang maghain ng reklamo kanina sa pulisya pero mahigpit itong tumanggi. Palalalain lamang daw niya ang situwasyon, at lalo lamang magagalit ang mga Salviejo. Baka pati magulang niya ay hindi rin daw matuwa, sakaling gawin niya ang hakbang na iyon.
Pero ano nga kaya ang mensaheng ang ibig tukuyin ni Ruperto kung hindi naman pala ito interesado sa kaniya? Balewala na raw siya rito, dahil sa kahihiyang idinulot niya sa pamilya nito, kung gayon ay sa paanong paraan siya nito planong singilin?
Kumilos siya sa pagkakahiga at napaharap sa nakatalikod na si Alpha. Tila naramdaman naman nito ang pagbiling niya,
