May kirot sa dibdib ko habang kumakain kami sa inasal. Bagaman nakangiti, pilit ko talagang tinatago iyon lalo’t mukhang ang ganda-ganda ng mood niya. Ayaw ko namang sirain iyon dahil lang sa lungkot ko nang malaman na may iba siyang gusto. But who knows, baka ako rin naman pala ang tinutukoy niya.
Habang nagsasalita siya at ako’y naghihimay ng manok, hindi ko na naman mapigilang tumitig. Para akong dinadala sa ibang dimension. Tipong hindi basta-basta ang hatak ng ganda niya. Alam kong sa isang sulyap lang ay mawawala na ako sa sarili ko.
I’ve seen a lot of pretty girls. Iyong halos pang-model na ang datingan. Ako bilang isang lalaki, masasabi ko na humahanga ako sa ganoon ngunit hindi attracted. May mga tao talaga tayong hahangaan ngunit hanggang doon lang. Samantala, may mga tao rin n
