"HINDI KA pa ba uuwi?" Tanong ni Brenna nang maabutan si Hideo na prenteng nakaupo sa couch sa living room. May beer in can itong hawak at nakabukas ang 42" niyang telebisyon.
Umupo siya malapit dito at tumingin din sa t.v. Katatapos niya lang mag-halfbath at naisipan niyang lumabas para tingnan kung naroon pa ito. Sanay na siya kay Hiddy, pero ayaw niyang abusuhin ang kabutihan nito. May sarili din itong buhay na dapat asikasuhin at ayaw niyang maging sagabal doon.
"Ayaw mo na ba 'kong nandito? Pinapalayas mo na 'ko?" Himig nagtatampong sabi nito.
Bahagya naman siyang napangiti dahil sa itsura nito. "Hindi no! Iniisip ko lang kasi baka may iba ka pang gagawin? Gaya nga ng sabi mo kaninang umaga ka pa nandito. Wala ka bang dapat na gagawin ngayong araw? Baka hinahanap ka na ng parents
